Кыргызстанда балдарга карата зомбулуктун күчөшүнүн бир себеби катары эмгек миграциясы аталууда. Жакын туугандарына аманат калган балдардын жагдайын Оштогу кабарчыбыз Ыдырыс Исаков сураштырып көрдү.
Кыргызстанда жакындарынан жапа чеккен, жыныстык зомбулукка кабылган балдардын саны көбөйүп жаткандыгы тууралуу маалыматтар чет жерде жүргөн кыргызстандык эмгек мигранттарына кандай таасир этип жатат? “Азаттыктын” Орусиядагы кабарчысы Лазат Такырбашева Москвада иштеп жүргөн ата-энелерди кепке тартты.
Үй-бүлөдөгү балдарга карата зомбулук Кыргызстандагы бардык башка улуттардагы үй-бүлөлөрдө да кезигет. Бирок аларда коомчулуктун ачык талкуусуна чыгарганга караганда жаап-жашыруу, жаман жосундарды ич ара оңдоого умтулуу басымдуулук кылат. Теманы Жалал-Абаддан кабарчыбыз Руслан Калматов улантат.
Чоң ата, чоң энесинин, жакын туугандарынын колунда өсүп, “мигранттардын балдары” атыккан муундун келечеги кандай болот? Аларды бейбаштыктан, кылмыштан коргоп, жаратман кылып тарбиялоо үчүн кандай чаралар керек? Ош шаарынын социалдык иштер боюнча вице-мэри Ильичбек Эргешов менен кабарчыбыз Эрнист Нурматов маектешкен.
Кыргызстанда мыкты мыйзамдар бар экендиги, алардын катарын балдарды коргоо жөнүндөгү мыйзамдар толуктарын мамлекеттик ишмерлер, саясатчылар көп эле айтып келет. Акыркы кездери ачыкка чыккан окуялардан улам дагы көптөгөн долбоорлор, программалар сунушталууда. Ошол мыйзамдарды кантип кынтыксыз ишке ашыруу керек, кандай механизмдери бар? Кабарчыбыз Айгерим Акылбекова ар кыл курактагы, ар кыл кесиптеги кыргызстандыктардын пикирин угуп көрдү.
