Мындай маалыматты Баткен облустук жол коопсуздук кызматынан “Азаттыкка” билдиришти. Өткөн жыл ичинде облус аймагында 29 жаш балдар аралашкан жол кырсыгы болсо, быйылкы жылдын сегиз айында 30 жол кырсыгы катталган. Анын ичинде өткөн жылы 35 бала жараат алып, экөө каза болгон. Быйылкы жылы беш бала жол кырсыгынан каза болгон.
Жол коопсуздук кызматы жаш балдардын жол кырсыгына кабылуусунун көбөйүшү, аймакта автоунаалардын санынын күндөн күнгө өсүп жаткандыгы жана ата-энелер жаш балдарды көзөмөлсүз жолго чыгарып жатышы менен байланыштуу экенин айтууда. (JsA)
