Тегеран жана ири алты мамлекеттин өкүлдөрүнүн сүйлөшүүсү Орусия менен Батыштын мамилеси чыңалуусунун шартында өтүп жатат. Украинадагы кризиске байланыштуу ири мамлекеттердин биримдиги алсырайт деген чочулоо бар. Бирок Европа Биримдигинин тышкы иштер боюнча комиссары Кэтрин Эштондун өкүлү Майкл Манн Иран боюнча сүйлөшүүлөрдө андай тескери таасирди байкабаганын билдирди. Эки күндөн бери жүрүп жаткан сүйлөшүүлөрдүн максаты - Ирандын ядролук программасы боюнча узак мөөнөттүк келишимге жетишүү. Батыш Иран ядролук куралга ээ болууга умтулууда деп айыптаса, Тегеран аны четке кагууда. (AiT)
