Өзбекстандык балбан Олимпиада медалынан кол жууду

Өзбекстандык спортчу Лондон олимпиадасынын коло медалынан айрылды. Эркин күрөш боюнча үчүнчү оорунду ээлеген Сослан Тигиевдин допинг тести оң болуп чыкканын орус маалымат каражаттары жазып чыгышты.

Түндүк Осетияда туулуп өскөн балбан августта 74 килограмм салмакта таймашып, коло медаль уткан. 2008-жылы Бээжинде болсо күмүш жана коло медаль алган.