Сербиялык расмий өкүлдүн айтымында, этникалык албан согушкерлери Косоводогу согуштун мезгилинде туткундалган сербдердин ички органдарын кесип алгандыгы тууралуу көрсөтмө бере турган күбө табылды. Согуш кылмыштары боюнча прокурор Владимир Вукцевичтин айтымында, сөз 1998-99-жылдардагы Косоводогу куралдуу жаңжалдын мезгилинде барымтага алынган сербдер тууралуу болуп жатат. Европа Биримдиги ички органдардын аткезчилиги боюнча тергөө баштаган, бирок Косово да, Албания да мындай нерсе болгон эмес деп ырастап келишет.
