Сербиядан келген унааларды Косового киргизбей жол тоскон демонстранттар менен кагылыштан кийин полиция 140тан ашык кишини камакка алды. 50 чакты киши, негизинен тартип коргоочулар жараат алды. Косоволук албан демонстранттар эки өткөөлдү тосууга аракеттеништи. Алар Сербияга «Косовонун көз карандысыздыгына бут тосуп жатат» деп нааразы болушууда. Косово Сербиядан 2008де бөлүнүп кеткен. Негизинен албандар жашаган бул аймакты Сербия тааный элек.
