Европадагы коопсуздук жана кызматташтык уюмунун баш катчысы Марк Перрен де Бришамбо аталган уюм Кыргызстанга полиция күчтөрүн жөнөтүү максатынан баш тартпай турганын билдирди. Бул жаатта жаңы план иштелип чыкканын жана ал ЕККУга мүчө мамлекеттерге сунушталарын маалымдады. ЕККУнун полиция күчтөрүн жайгаштыруу Кыргызстанда каршылыктарды жараткан. Расмий бийлик эл аралык күчтөр аймактагы туруктуулукту камсыз кылууга өбөлгө гана болот деп ишендиришүүдө. Бул маселе парламент ишке кирип, жаңы өкмөт куралгандан кийин биротоло чечилмекчи. (EBM)
