Тоолуу Карабак боюнча Армения менен болгон согушта Азербайжан 70 миллиард манат же 87 миллиард доллар чыгым тарткан. Бул жөнүндө Азербайжандын качкындар жана там-жайын таштагандар боюнча мамлекеттик комистетинин төрагасы Али Гасановго шилтеп, “Азаттыктын” азери кызматы билдирди.
Гасановдун сөзүнчө, Армения басып алган жерлерин Азербайжанга кайтарып, жүз миңдеген бозгун азерилер там-жайларын кайтарып алган соң береги чыгым кайра такталат.
1988-94-жылкы Тоолуу Карабак чатагында Азербайжан аймакты жана ага чектеш жерлерин Арменияга алдырып койгон.
