“Эркин Европа/Азаттык” радиосунун казак кызматынын маалыматына караганда, бул тууралуу бүгүн Астанада ачылган курал көргөзмөсү (KADEX 2010) учурунда айтылды. Көргөзмөгө келген орус делегациясынын башчысы, Рособоронэкспорттун кеңешчиси, Кыргызстандын мурдагы коргоо министри Эсен Топоев кабарчылар менен маегинде белгилегендей, Орусиянын курал соодасы менен алектенген бул компаниясы ЖККУ боюнча өнөктөш өлкөлөргө арзанырак баада курал гана эмес, биргелешкен ишкана түзүүнү, долбоорлорду чогуу аткарууну да сунуш кылууда.
