Хиллари Клинтон эл аралык коомчулукту Иранга каршы жаңы санкция киргизүүгө чакырды. Мамкатчы Клинтон Эр-Риядда Саудиянын тышкы иштер министри, канзада Сауд ал-Файсал менен болгон кездешүүдөн кийин санкция иштеши мүмкүн, бирок Перс булуңундагы өлкөлөр Ирандын өзөктүк программасы боюнча чатак “токтоосуз чечилет” деген үмүттө экенин кошумчалады.
Израилдин премьер-министри Бенямин Нетаняху кечээ Москвада Орусия президенти Дмитрий Медведевди Ирандын энергетика секторуна каршы катаал санкция киргизүүнү колдоого чакырды.
