Санкт-Петербург шаарында 3 миңдей киши жаңы имараттын курулушуна нааразылыгын билдиришти. Газпром шаарда ири, асман тиреген кеңсесин курууну пландап жатат. Демонстранттар “Газпром, үйүңө кет!”, “Тарых акчадан баалуу” деген ураандарды көтөрүп чыгышты. Шаар бийлиги өткөн айда “Охта борбору” деген 403 метрлик имарат тургузуу долбоорун жактырган. Ал Сантк-Петербургдун тарыхый борборун жаап калмакчы. Россиянын маданият министрлиги да планга каршылыгын билдирип, прокуратурага анын жактырылышы канчалык мыйзамдуу болгонун териштирүү тапшырмасын берди.
