Мындай маалыматты Кара-Тал-Жапырык мамлекеттик коругунун бөлүм башчысы Саламат Тоялиев «Азаттыкка» билдирди. Коруктун кызматкеринин айтымында Ак-Кула аттын эки мамысынын бирөөсү түп ордунан суурулуп, 20 сантиметрге чейин казылган. Ал эми экинчи мамынын теңи сындырылган. “Канча кылымдарды карыткан Манастын мамыларына кол салуу боюнча изилдөө жүргүзө баштадык. Азырынча мамылардын биринин уурдалып, экинчисинин сындырылышы боюнча эч кандай маалыматтар угула элек”,-дейт Саламат Тоялиев. (KUs).
