Бул тууралуу Баткен облустук акимчилигинин маалымат кызматы 19-майда «Азаттыкка» билдирди. Маалыматка караганда, бүгүн облус губернатору Марат Жумабеков Сох анклавынын жанындагы Таян айылынын элдик жыйынына катышты. Жолугушуу учурунда айыл калкы кыргыз автоунаасына эч эскертүүсүз, мыйзамыз ок чыгарган 15-майдагы окуяны эске салып, Өзбекстандын Сох анклавындагы текшерүү бекеттерин кыскартуу тууралуу талап коюшту. Облус губернатору жакынкы күндөрү өзбек чек арасына жакын жерден 60 үй-бүлөгө үй куруу үчүн жер берилээрин, Сох анклавындагы чек ара бекеттерин кыскартуу багытында мамлекеттик денгээлде иштер жүрүп жатканын билдирди. (JsA)
