Индия-Кыргызстан маданий борбору ачылды

БИШКЕК. Бүгүн Жусуп Баласагын атындагы Кыргыз улуттук университетинин эл аралык билим берүү программаларын интеграциялоо институтунун алдында Кыргыз-Индия маданий-маалымат борбору ачылды. Аталган борбордон студенттер жана жалпы эле каалоочулар Индия өлкөсүнүн маданий, саясий турмушу тууралуу ар түрдүү маалымат ала алышат.

Ошондой эле мындай борборду ачуунун башкы максаты келечекте Улуттук университеттин алкагында хинди тилиндеги адистерди даярдоо экендиги айтылды. Бул тууралуу бүгүн Улуттук университеттин маалымат кызматынын башчысы Нурбүбү Ашымбаева маалымдады.