ЖАКЫРЧЫЛЫК АЗАЙГАН ЖОК, БИРОК БАЙЛАР ДЕЛЕ КӨБӨЙБӨДҮ

Соңку кездери кыргыз бийлиги өлкөдө демократияны байыр алдыруу, жакырчылыкты азайтуу, коррупцияга каршы туруу амалында биртоп улуттук кеңештерди түздү. Алардын соңкусу кедейликти азайтуу амалында жапырт аракет кылуу боюнча улуттук координациялык кеңеш болду окшойт. “Азаттыктын” бүгүнкү “тегерек үстөл” маеги мына ушул улуттук орчун маселенин айланасында болмокчу. Бишкек студиясына профсоюз ардагерлеринин Жалалабад облустук бөлүмүнүн башчысы Дарман Жоробеков, «Акыйкат жолу» коомдук бирикмесинин төрайымы Бүайша Арстанбекова, Комплекстүү өнүктүрүү негиздери боюнча президенттик администрация алдындагы секретариаттын жооптуу эксперти Даниел Султанбеков чакырылган.